Diamars anochi habitantenan di Catiri a scucha un zonido duro. Ora nan a sali controla nan a wak un hende ta saca un careda y baha na awa. Ora e habitantenan a ripara bon nan ta haya un auto Seat Ibiza blauw pega den un cura di cas. Nan a avisa central di polis cu ta dirigi un patruya di trafico pa e sitio. Na yegada di polisnan di trafico, nan ta constata cu e auto lo ta biniendo duro di ariba y yegando e bocht skerpi net patras di Union Caribe e auto ta perde control y pasa raspa un palo di lus, pa despues bay plama riba un cura di cas. No tawata tin herido. Polis a tuma dato y tambe a tuma e auto den beslag pa mas investigacion. Daño material ta considerabel.