Auto stadiona den cura di cas na Seroe Blanco a pega candela

Cu urgencia brandweer y polis a keda dirigi pa un cas na Seroe Blanco unda e informe a drenta cu tin auto na candela den cura di cas y e cas ta bou menasa di candela pa keda kima. Di biaha e unidadnan a presenta.

Brandweer cu a sali di biaha foi Tanki Flip a presenta rapidamente y aki e bomberonan a drenta accion basta lihe y combati e candela rapidamente. Un auto a keda completamente destrui door di e candela, pero e otro auto den e cura di cas a haya efecto solamente. Bomberonan a controla pa e auto ta full paga evita cu esaki pega bek.

Polis a tuma dato di e habitante relaciona cu e candela aki.