Dilanti di Latina Fm na Tanki Leendert diadomingo anochi a sucede un accidente entre dos auto pa falta di preferencia. Un chevrolet van chikito blanco bayendo nort a haye confronta cu un suzuki vitara biniendo for di panort ta lora su dilanti pa bay cumpra cuminda na un truck banda di Latina Fm.
E impacto tabata fuerte, e van a keda basta kibra dilanti, pero no tabatin ningun persona herida. Mientras cu roadservice tabata atendiendo e accidente un auto biniendo for di pazuid a dal den banda di e van. Polis di trafico a presenta despues pa tuma datos, debi cu e chauffeur di e suzuki no tabatin seguro mes riba e auto.