Dialuna marduga prome cu 3’or autoridad ta keda informa unda cu tin un accidente basta fuerte cu persona herida y un auto pega riba troncon di un mata. Di biaha unidad di Santa Cruz ta keda manda pa e sitio y a bin topa cu un hyundai accent blanco cu un homber benta abou banda di e auto herida.
Polis a constata cu e auto tabata biniendo for di pabou direccion pariba y net na e crusada di Kadushi Largo e chauffeur a perde control baha caminda dal kibra un borchi trafico y bay dal basta duro riba un mata di kwihi. E impacto tabata fuerte cu el a saca e chauffeur for di e auto.
Paramedico di ambulance a atende cu e victima y a keda transporta pa hospital pa haya atencion medico. E auto a keda completamente destui.