Diadomingo atardi autoridad a keda informa cu e caminda di santo direccion cunucu caminda pa tanki Savaneta lo tin un auto na candela. Di biaha a despacha tanto polis y brandweer p’e sitio.
Di leu caba polisnan yegando ta mira huma preto bay halto y asina a logra di yega unda e auto ta na candela riba un caminda di santo band’i e tanki pa bay Savaneta.
Bomberonan a drenta accion di biaha y combati e candela rapidamente. E personanan a keda tristo cu nan auto a kima por completo.