Dialuna marduga na Belgiestraat area di Madiki un auto a keda pega na candela bou di un mata pega cu e gulido di Madiki, polis a keda dirigi cu urgencia pa e sitio y a constata cu di berdad tin un auto na candela y e vlamnan ta grandi te cu el a pega mata.
Brandweer a keda solicita cu urgencia pa e sitio, y aki e truck a sali for di post Tanki Flip y bomberonan a drenta accion rapidamente y combati e candela basta lihe. Ta desconoci si ta auto bieu of algo di joyriding debi cu e candela a destrui e auto completo.