Riba e caminda di Cumana net dilanti di Cas di Max a sosode un accidente unda auto y brommer a dal den otro. Un dama chauffeur den un hyundai accent a bay pa lora na su man robes y net un brommer ta bay pase. E coredo di brommer a lastra un brake di algun meter y dal den banda di e auto. E homber a keda levemente herida pero no tabata desea asistencia di ambulans. Polis di trafico a presenta pa atende cu e accidente.