Dialuna anochi riba e caminda di Tanki Leendert net dilanti di torino bar un accidente a sosode unda un kia picanto a dal tras di un toyota rav4. E impacto a laga ambos auto kibra, y un señora herida den e kia picanto.
Segun personanan cu a mira e accidente a informa cu e rav4 tabata di bay lora na su man robes y e dama chauffeur den e picanto a primi brake y aki e auto a slip algun meter debi na caminda muha y dal duro tras di e rav4. Ambulance a presenta unda paramedico a brinda asistencia na e victima y a keda transporta pa hospital. Polis di trafico tabata presente pa tuma dato y polis di Playa tambe a acudi na e sitio y cera parti di e caminda.