Diasabra den careda di 5 or atardi den e cayanan di e cas di pueblo na Sero Patrishi a sucede un desgracia serio unda un auto a trapa un baby di 1 aña. E mayornan a drenta panico ora cu e mucha no tabata reacciona, polis a presenta cu urgencia na e sitio. Di biaha e oficialnan a cuminsa cu reanimacion y ambulance a presenta di biaha na e sitio tuma e baby over. Asina cu urgencia a hiba e baby pa hospital bou reanimacion debi cu e no tabata reacciona. Polis di departamento di trafico a cera full e area pa haci investigacion y a detene e chauffeur.