Diamars anochi riba e caminda di Sero Blanco pa Paradera net den e birada skerpi di Sero Patrishi a sucede un accidente. Un Suzuki Ignis blanco biniendo di pariba no por a brake na tempo y ta dal basta duro tras di un Toyota Yaris preto. E impacto tawata basta fuerte y e chauffeur di e Yaris a keda herida. Polis a presenta pa tuma datos. Ambulans tambe a bin na e sitio pa atende cu e herido.