Diasabra anochi riba e caminda di Sasakiweg pabou di Super food a keda registra un acidente basta serio unda tabata auto y un peaton envolvi. Polisnan a yega basta lihe na e sitio y topa cu un señora benta abou ta trata di un turista di riba 60 aña. E tabata crusando e caminda cu tin entre super food pa e hotel, ta un caminda cu tur hende ta cana den e scuridad pa crusa caminda. E auto honda crv a haya daño na su windshiel y te asta cabey di e señora a keda pega na e windshiel. Paramedico di ambulance a atende cu e victima unda e no tabata duna mucho pulso y cu urgencia a bay cune hospital a atencion medico avansa. Specialista di trafico tambe a presenta pa haci nan investigacion y a pone e chauffeur supla y no tin nada di alcohol den su curpa.