Diadomingo anochi riba Avenida Watty vos altura di e muffler center tabatin un buraco basta grandi y aki un mercedes benz biniendo di zuid a dal den esaki basta duro. E impacto a haci cu e airbag den banda di e auto a sali y a dal un persona femenino di golpi.
E persona tabata sinti basta dolor na su rebchi y ambulance a presenta na e sitio pa atende cu e victima. Polis di trafico a yega di biaha na e sitio y a avisa DOW di biaha pa presenta debi cu e buraco ta basta grandi y por pasa mas desgracia si no cera esaki. E auto a kap su tire drechi dilanti y personal di Roadservice Nagico tabata presente tambe. Un rato prome tabatin mas vehiculo a kap nan tire di auto debi na e buraco aki.