Ayera den careda di 6’or un hoben di 15 aña a yega IMSAN na San Nicolas cu un tira den man. A atende cu ne djey transporta e hoben cu urgencia pa hospital. Team di recherche di San Nicolas tin un bon record den resolve casonan den un tempo record.
Ta locual a pasa ayera tambe, mesora e team a cuminsa traha y cuminsa investiga. Un rato despues cu a transporta e hoben pa hospital, e team di recherche di San Nicolas cera henter Caya Jose Geerman y Amsterdamstraat pa investiga un cu e otro du e caso di tiramento. E team forensico tambe tabata presente den Caya Jose Geerman relaciona cu e tiramento.
Nan tabata en buskeda di huls, pero no por confirma si a haya of no. Ta confirma si, cu a los tiro riba un Nissan March color blauw. Awe den oranan di mainta e team di recherche a confisca e March den Mabon Kavel. A confisca e March y awo tin e staciona na warda di polis na San Nicolas.