https://www.facebook.com/masnoticia/videos/1220176661353253/
Diamars den careda di 1:30 marduga Polis y Ambulance a keda despacha cu urgencia pa bay Sasakiweg panort di e luznan di trafico altura di superfood pa un auto cu a bolter. Na yegada di e prome patruya policial a topa cu un auto Suzuki shinishi completamente destrui den mondi hinca y un homber herida.
Segun e chauffeur bayendo nort a perde control pa un of otro motibo dal riba un mata basta duro bolter y cay den mondi. Polis a tuma nota di un lastro di brake riba caminda cu ta indica cu e chauffeur a perde control y accidente di e forma aki. Personal di ambulance a presenta na e sitio y atende cune di biaha y a keda transporta pa hospital.