Diamars mainta ta sucede un accidente den e birada skerpi di Rooi Frances pa Rooi Taki unda un auto a bolter. Patruya policial y ambulance a presenta na e sitio. A topa cu un chevrolet spark riba su dak den e saliña. E chauffeur a perde control tras di stuur debi na velocidad. E dama chauffeur a resulta levemente herida y a keda atendi pa personal di ambulance pa un chekeo medico. Personal di roadservice a keda encarga cu e auto.