Diadomingo anochi pasa di 10’or anochi riba caminda principal di Savaneta pabou di e crusada pa bay Kazerne ta sosode un accidente fuerte pa falta di no duna preferencia. Polisnan di biaha tambe a presenta y a cera e caminda ambos banda debi cu tabatin auto kibra memei caminda.
Polis a saca afo cu e chauffeur di e hyundai accent a sali fo’i e parkeer plaats di e supermercado net momento cu e kia rio ta bahando di pariba y a dal basta duro den e accent pone bay dal den cura di cas. E kia rio a keda basta kibra dilanti. E chauffeur den e kia rio a keda levemente herida.
Ambulance tambe tabata presente pa brinda asistencia medico, y na final a kita e auto kibra foi caminda.
