Dialuna atardi central di polis ta haya un yamada cu un tubo di gasoline lo mester a kibra na Wayaca Service Station y lo ta bashando gasoline. Di biaha ta manda unidad di bombero y polis na e sitio.
Na yegada di polis ta constata cu un turista den un v-car a bay yena gasoline na pomp nr 7, pero e personal a pidie pa cambia di pomp y aki ta unda a hala e auto cu e slang ainda pega na e auto.
Debi na e impacto e slang a kibra y cuminsa basha gasoline pero danki na reaccion rapido di e trahadornan a core sera e pomp y cu tiki gasoline so a basha afo. Brandweer tambe a presenta hunto cu departamento di DTI pa controla tur cos. Polis a tuma dato.
Mester menciona cu nada no a wordo hasi intencional door di e turista mas bien ta door di un descuido.