Diadomingo atardi a sosode un accidente basta fuerte riba e caminda di Tanki Leendert pa Tanki Flip net un poco pabou di OK supermarket. Segun testigonan un dama chauffeur den un Daihatsu Terios preto lo a sali di OK supermarket bin direccion abou y tawata core zig zag riba caminda y a dal dos biaha den asera pa despues ranca un palo di lus y bolter. Persona nan ey banda a core bolter e auto bek riba su 4 tirenan. E chauffeur a keda seriamente herida. Ambulans a atende cune. Polis di Noord y Playa a presenta pa sera caminda y polis di trafico a tuma datos. Elmar tambe a presenta na e sitio ja cu tawata tin waya nan di coriente ta colga riba caminda y ainda cu coriente riba nan. Daño material ta grandi.