Diamars anochi riba greencorridor rotonde Balashi direccion pa Ser’i Teishi chauffeur di un starlet a perde control baha caminda subi e sero di santo cu tin memei caminda y ranca un pal’i luz.
Net momento su tras tabata biniendo un yaris unda e chauffeur a perde control debi na e piedranan riba caminda y a maniobra cu e auto y bay pega contra di un vangrail. E impacto tabata fuerte e auto a keda basta kibra. No tabatin ningun persona herida. Polis a cera e rotonde bin abou pa ningun trafico. Polis di trafico a presenta pa haci nan investigacion y tuma dato di e accidente. Na final takelwagen a kita e autonan for di riba caminda.
