Diadomingo marduga riba caminda di Sero Patrishi habitantenan a scucha un desordo duro y coriente a bay, ora a sali pafo tabata un accidente pisa unda un hyundai a ranca un palo di luz completo, y e palo di luz a cay riba e auto y e transformer a cay patras di e auto.
Den e auto e dos hendenan a keda pega no tabata por a sali, te ora cu elmar a presenta pa kita tur cos. Brandweer tambe a duna un man pa asina saca e victimanan pega den e auto. Ambulance a transporta e dos personanan pa hospital, nan a scapa milagrosamente di un situacion fatal pa un palo di luz cu peso cu e transformator riba dje cay riba nan auto. Polis d trafico tambe a presenta na e sitio. Elmar a cera e caminda pa trabounan necesario tuma luga cu lo dura basta ora.