Diabierna alrededor di 10:35 pm un accidente a tuma luga na Piedra Plat serca di Mandingo Snacks. Unda cu un auto lo a bai hala pa otro auto cu tabata bin riba dje y a perde control ranca un pal’i luz y drenta mondi.
E auto a keda rondona completamente na e wayanan di coriente di e pal’i luz. Cu consecuencia cu e victima no por a sali for di e auto te ora Elmar a presenta na sitio pa kita e coriente.
Brandweer tambe a presenta pa asina wak si nan mester a bai den accion pa corta e auto pa libera e victima, pero esey no tabata e caso e victima mes a logra sali pero via otro porta debi cu porta di chauffeur tabata basta pega den e mondi. Polis di trafico a presenta na sitio pa asina tuma datos di e accidente.
E victima tabata basta spanta despues di a accidenta y a keda controla pa paramediconan cu a presenta na sitio.