Diadomingo marduga personanan pasando riba e caminda di Sabana Liber a topa cu un nissan cube cora kima pega riba un mata di kwihi y por poco e auto ta cay den e rooi. Di biaha a despacha polis na e sitio y ta bin topa cu un situacion serio. E oficialnan a topa cu un homber pega den e auto tur na sanger, a solicita ambulance y brandweer cu urgencia.
E auto full parti dilanti destrui, ta mustra cu e chauffeur biniendo for di pabou a baha caminda y bay pega den e mata di kwihi, si e mata aki no tabata t’ey e auto a bolter cay den e rooi.
Paramedico a haya ayudo di polis unda a logra di saca e persona for di e porta banda robes dilanti, e homber cu slanan serio na su cara den un estado di serio. Paramedico a traha basta lihe cu e homber y a keda transporta pa hospital pa atencion medico avansa.
E caminda a keda cera pa polis di trafico y departamento tecnico haci nan investigacion.