Diamars anochi un mama tabata dal un buelta na costa di nos isla net panort di Light House, bayendo abou e mama a tuma nota cu huma ta sali dilanti fo’i e auto y a mira vlam. E mama a sali na careda fo’i auto cu e yiu. E mama tur desespera nan dos so ey tras na grito tabata pidi famia pa yudansa. Famia a yama polis di biaha informa di e caso, patruya di Noord di biaha ta presenta na e costa y ta topa cu di berdad e hyundai accent na candela completamente.
Brandweer a keda pidi pa presenta rapidamente, mientras e mama den shock cu e yiu, polis a laganan sinta den e auto policial. Familiar tambe a presenta pa yuda.
Brandweer a tarda debi na mal comunicacion
Brandweer a dura un rato pa presenta debi cu centro di alarma no a duna e bomberonan e informacion exacto, brandweer a presenta te riba light house y aki ta unda nan mes a constata cu e caso ta te na costa, y a haya atencion debidamente na centro di alarma pa busca informacion mas exacto den casonan asina pa no perde tempo y yega na ora.