Diahuebs anochi riba e caminda di Shiribana poco pabou di subway a sosode un accidente serio unda un homber den un van a bay lora dilanti un brommer cu tabata bahando for di pariba. E brommer a dal basta duro den banda patras di e van y e motociclista a bay halto cay abou.
E homber riba e brommer a haya sla tanto na cara y parti di curpa. Polisnan di biaha a presenta na e sitio y a cera e caminda. Dos unidad di ambulance a presenta unda paramediconan a brinda asistencia medico di biaha y e victima a keda transporta pa hospital pa atencion medico avansa. Polis di trafico a pone e chauffeur supla tambe na e sitio.
