Riba e caminda di San Barbola pa Meiveld diabierna anochi patras di ex codemsa su edificio na un tweg a sosode un accidente unda un brommer biniendo for di pabou riba San Barbola direccion Meiveld a haya su mes confronta cu un kia cerato cu a yega lora su dilanti.
E dama chauffeur den e kia cerato a bay lora na su man robes posiblemente no lo a mira e brommer of kier a tuma chens pero esaki a sali e persona caro. E motociclista hende homber a resulta herida y a keda benta abou. E brommer a keda totallos. Polisnan a presenta di biaha cera e caminda. Ambulance a acudi unda paramediconan a brinda asistencia medico na e victima y a keda transporta pa hospital. Brandweer tambe a duna man debi tin gasoline benta riba caminda.