Den careda di 2’or di madruga a sosode un accidente basta serio na Savaneta. Tabatin un persona herida.
E accidente a sosode net pariba di Club Arias. Na yegada di e sitio, a topa cu un auto cu a drenta un mondi eybanda.
Tur cos ta mustra cu e chauffeur di e auto, bayendo direccion di San Nicolas, lo a perde control net den e bocht y a baha dii caminda, pa drenta e mondi.
Como cu e auto a pega den e matanan, mester a pidi ayudo di Brandweer pa corta e auto pa saca e chauffeur. Bomberonan a traha basta largo pa saca chauffeur di e situacion cu e tabata aden. Mientras cu Bomberonan tabata trahando, paramediconan tabata vigila cu tur cos ta bon cu e herido.
Despues di a sac’e, a transporte pa dr. Horacio Oduber Hospital.