Diaranson atardi riba e caminda di Piedra Plat banda di e polis di bario dos hobencito riba nan bicicleta caminda pa cas un di nan a keda alcansa pa un auto. Un auto beish a baha caminda dal un di e hobennan y lastre bente algun meter leu. E chauffeur no tabatin ni e decencia di para y a bay laga e hoben benta abou cu herida na curpa. Su otro amigo cu tabata cune a drenta den shock di e sucedido. Danki na dos señora cu tabata pasando a mira e hobencito benta abou y a para y bati alarma na Polis di biaha unda patruya di trafico a presenta di biaha y a solicita ambulance pa paramedico haci un control na e mucha homber. Mayor a presenta y aki polis a tuma nan dato y splicanan cu lo bay haci un investigacion pa asina gara esun responsabel pa e acto aki cu por tabata uno pio.