Riba Av Nelson Oduber ex Sasakiweg diadomingo den careda di 11:30 anochi un accidente cu impacto fuerte a sosode unda un nissan almera bayendo zuid e chauffeur a lastra un brake ora a topa cu di sorpresa un taxista rav4 para meimei di caminda y a dal su tras y consecuencia e auto a drenta Bubaliplas.
E chauffeur di e rav4 a sali cu dolor na curpa y e auto hinca den e plas. Segun e chauffeur di e almera ta conta na polisy roadservice cu segun e chauffeur e tabata papia na radio y un hende tabata crusa caminda. E chauffeur di e nissan almera a keda spanta y no contento cu e situacion. Polisnan a presenta di biaha pa atende cu e accidente y tuma dato. Ambulance tambe tabata na e sitio unda paramedico a controla e taxista.