Diamars atardi na altura di e pompstacion riba e caminda di Pos Abou dos auto ta accidenta y un persona dama ta resulta levemente herida. Un Ford Fusion y un Kia Sportage a dal contra di otro, unda cu un Ford Fusion ta dal tras di un Kia Sportage net dilanti e rotonde di Citgo Sasaki.
Pasahero di e Kia Sportage ta resulta levemente herida y a wordo transporta pa Hospital pa asina haña atencion medico. Tambe tabata tin un mucha sinta patras den e Kia Sportage cu no a resulta herida.
Polis di trafico tambe tabata na e sitio pa tuma dato. Daño material riba tur dos auto tabata considerabel.