Diasabra anochi polis coriendo riba e caminda di Jaburibari ta topa cu un auto Chevrolet Aveo blanco cu net a accidenta. Di biaha polis ta baha y topa cu un dama cu un baby den auto y ta conta polis cu e lo a caba di dal den e barancanan den bisindario y kibra su auto.
Pa un motibo of otro e dama biniendo di nort riba e caminda di Calbas pa Paradera ta lastra un brake hopi largo pa despues baha caminda na man drechi y dal den un par di baranca y un meter di awa pa despues bai para mas lew.
Den e auto tawata tin un baby y ambulance a atende cune. Polis di trafico a tuma datos y constata cu e dama ta bow di influencia di alcohol y a detene y hiba warda pa pasa un test. Daño material ta considerabel.