For di e caminda di Watty Vos Blvd di Tanki Leendert pa Ponton diaranson atardi a sosode un accidente serio unda un kia picanto maneha pa un dama a dal un homber cu a yega crusa e caminda. E homber a cay riba e windshield y bula algun meter cay band’i caminda. Polisnan di biaha a presenta n’e sitio y a cera e caminda. Ambulance tambe a presenta rapidamente y cuminsa brinda asistencia n’e homber cu tabatin sla serio na pia y cabes. Paramedico a stabilisa e persona di biaha y cu sumo urgencia a transporta e homber pa hospital pa atencion medico avansa.
Polis di trafico y departamento tecnico a haci nan investigacion pa saca potret di e situacion. Personal di slachtofferhulp tambe a presenta pa atende cu persona cu tabata den shock n’e sitio y despues a bay hospital pa e persona herida.