Diadomingo pasa di 1:30 marduga riba caminda principal net n’e rotonde Balashi band’i ex drive inn testigonan a mira un auto a dal basta duro tras di un brommer cu pareha riba dje. Tanto e homber y e muhe a bula cay riba caminda y a resulta herida.
E auto despues di e impacto a bandona e sitio. E testigonan a informa polis ki auto a causa e accidente. Ambulance present’e a brinda asistencia na ambos persona herida un cu fractura na brasa y otro cu heridanan na parti curpa. Polis tambe a presenta pa atende cu e accidente.