Diasabra anochi riba Avenida Alo Tromp net pariba di warda di Polis Playa ta keda registra un accidente unda auto a dal un hende a mobilisa patruyanan y ambulance cu maximo urgencia. Na yegada di e prome unidad policial ta topa cu un homber benta abou herida y un auto staciona banda di caminda.
Segun e chauffeur di e auto e ta bayendo ariba y diripiente e homber a aparece su dilanti y a dal brake pero tabata laat ya cu e homber a yega dal dilanti di e auto.
Paramedico a brinda asistencia lihe ne homber ya cu e no tabata move y cu maximo urgencia a bay hospital pa atencion medico avansa. Specialista di trafico y departamento tecnico tambe a presenta pa haci nan investigacion.
