Diamars anochi riba Prof Lorentsztraat na e crusada cu Emmastraat chauffeur di un hyundai accent bayendo abou a dal un homber cu tabata riba caminda caba crusando. E peaton a crusa di zuid pa bay nort y segun e chauffeur e no a wak e. Un otro automobilista cu a mira e situacion a baha y lo a dal e chauffeur segun testigo. Tabata tin mas hende a reclama e chauffeur cu dicon e no a para pa e peaton mas cu el a wak e homber crusando caminda. Ambulans a presenta di biaha na e sitio pa atende cu e homber herida cu no tabata por a cana mucho bon debi na e golpi. E auto su windshield tambe a keda destrui. Polisnan tabata presente hunto cu departamento di trafico.