Diahuebs pasa di 12’or marduga riba caminda di Ponton varios automobilista a hayanan confronta cu algun homber bisti na geel tabata bula dilanti autonan cu ta pasa manera ta wega. Despues di rato un auto a dal persona y a bay fo’i e sitio. Polis y ambulance a keda dirigi p’e sitio.
Polis cu a yega prome ta topa cu un homber drumi boca abou memei caminda ta keha di dolor, hendenan a bisa cu un hyundai accent cora a dal e y bay. Polis a papia cu algun testigo cu a declara kico a sosode y kico a pasa rato prome.
Paramedico tabata traha cu pasenshi cu e homber y momento cu kier a pone riba e brandkart e homber a cuminsa resisti y insulta paramedico, su muhe y mas hende. A constata cu e homber ta basta bebi mes. Polis a bay papia cune y tambe el a keda arogante y agresivo cu sin fin di palabra. No a keda nada otro di detene asina tambe el a resisti y a mande vloer pe comporta.
Vehiculo di transport a presenta y a bay cu e homber warda di Polis, eynan lo saca afo despues kico a pasa cune rato prome.
