Diasabra marduga central di polis ta haya un yamada cu un auto lo a dal den un palo di lus na Sabanilla Abow. Mesora ta dirigi un patruya pa e sitio. Na yegada di e patruya ta topa cu varios waya di coriente kibra y ta colga abou riba vloer. Pero no a encontra cu niun auto mas na e sitio. Polis a notifica personal di Elmar y nan tambe a presenta na e sitio pa cuminsa cu trabounan necesario. Polis a tuma dato.