Dialuna mainta trempan a sosodeun accidente un tiki mas pabou di e rotonde di Tanki Leendert net dilanti Los Cafeteros. Un Toyota Yaris blauw a bay subi caminda pa bay direccion abou pero no a wak un brommer Sigma biniendo di abow y e brommer ta dal den e auto.
E manehador di e brommer a keda herida cu sla na su curpa y a fractura su pia. Ambulans a presenta na e sitio pa atende cu e herido. Polisnan di Noord y Playa a presenta pa yuda cera e caminda y tambe tuma dato. Daño material ta considerabel na e auto y e brommer a haya par di rasca.