Dialuna atardi riba WVB Cumana auto a dal den muraya di e brug y kentel pa despues cay bek riba su cuatro wielnan. E impacto tabata fuerte cu a laga e dama tras di stuur herida y un baby sinta den e child seat. Polisnan a yega basta lihe cera caminda y paramedico di ambulance a atende cu e mama di biaha.
Segun testigo un auto a touch e auto y pone dama dal den e brug y por poco a bula e muraya over. Por a tuma nota di un oficial femenino di Oranjestad a saca un baby cu tabata sinta den e seat patras y a atende cune un rato mientras paramediconan tabata ocupa. Bon trabou na e oficial di trafico y Oranjestad na e cariño cu nan a duna nan e baby mucha muhe cu tabata yora di e trauma cu el a pasa aden.