Diamars prome cu 5’or atardi riba caminda di Jucuri a sosode un accidente unda chauffeur di un toyota yaris no a regula su velocidad y distancia a dal tras di un toyota van, e impacto tabata basta duro patras den banda drechi di e van.
Debi n’e impacto un homber tabata keha di dolornan fuerte na su curpa y personal di roadservice a pidi presencia di ambulance y polis presenta.
Paramedico a presenta di biaha y a brinda asistencia n’e chauffeur. Polis di trafico tambe tabata n’e sitio pa atende cu e accidente.