Diahuebs pasa di 2 or atardi riba e caminda di San Barbola un desordo duro a pone habitantenan sali pafo y wak kico a pasa. Ora a wak a topa cu un auto kibra contra di un cura di cas. Den e auto tabata tin un dama basta herida.
Patruya di Oranjestad tabata presente y a topa cu e persona den e auto tur na sanger y te hasta sanger ta core for di e porta abou. Polis di trafico tambe a yega pa haci nan investigacion, departamento tecnico tambe a keda solicita. Ambulans tabata presente basta lihe unda a paramedico a atende cu e victima basta lihe y a keda transporta pa hospital pa haya atencion medico avansa. Velocidad halto sigur a hunga un rol cu e chauffeur a perde control dal den e cura di cas basta duro.