Dialuna pasa di 12’or marduga testigonan coriendo riba L.G Smith Blvd yegando e coral pyramid a mira con un auto a baha caminda subi e acera di linear park sigui core pa despues bula e baranca cay den lama. Di biaha a yama polis, patruya a yega basta lihe y topa cu e auto den lama, e oficialnan a drenta awa di biaha pa wak si e chauffeur ta bon y a lante. E chauffeur tabata spanta di loke a pasa. Testigonan a comenta na polis e auto tabata bahando di pariba y a bay den banda contrario subi acera pasa mei mei di e hydrant y e palo di luz sigui core y bula e baranca y cay den lama. E chauffeur a keda encarga di yama roadservice pa un takelwagen saca e auto.