Auto a bolter riba WVB cu persona herida

Den careda di 2.30 di merdia, hopi cerca di sede di Brandweer, a tuma luga un accidente cu un persona herida.

E accidente a sosode riba Watty Vos Boulevard, den bisindario di rotonde di Ponton, pero e caminda bayendo pa Eagle (WVB). Diferente unidad di Bombero a yega na e sitio pa saca e chauffeur for di e posicion incomodo cu el a keda den e pisckup Isuzu.

Hopi lihe a logra sa’ke y transporte pa hospital. Situacion di e chauffeur no tabata mustra grave na prome bista.

E tabata e unico auto envolvi y aparentemente el a perde control y el a dal den e parti cu ta separa e vianan di Watty Vos Boulevard for di otro.

Comments

comments