Dialuna pasa di 1’or di marduga autoridad ta keda informa cu riba Sasaki Av Nelson Oduber poco panort di e rotonde pabou di super food ta sosode un accidente serio y auto a bolter y e impacto a sak’e chauffeur pa despues auto cay riba dje.
Polisnan di biaha ta presenta n’e sitio di accidente a cera e rotonde di biaha. A topa cu un hyundai getz di banda y bou di e auto e chauffeur masculino herida. E homber tabata keha di dolornan fuerte na curpa y tabatin varios sla. Paramedico a haya ayudo di brandweer cu tabata presente y asina a lant’e auto pa saca e curpa, y a stabilise y bay cu urgencia pa hospital pa atencion medico avansa.
Debi cu e situacion tabata serio a notifica specialista di trafico y departamento tecnico tambe a presenta y te cu pasa di 3’or di marduga a saca investigacion pa determina con e accidente aki a sosode.
