Auto a bolter riba Driemasterstraat

Un poco despues di 8’or di mainta a tuma luga un accidente riba e crusada di Driemasterstraat y Rudolf Arendsstraat.

Na yegada e polisnan a topa cu dos vehiculo cu tabata envolvi, un SUV Toyota Rush y un Ignis. Segun por a compronde, e Rush a subi caminda sin duna preferencia na e Ignis cu tabata coriendo riba Driemasterstraat bayendo zuid.

E SUV a keda di banda y personanan den bisindario a saca e dama chauffeur cu tabata incomodo prome cu polis y ambulance a yega.

E dama tabata keha di dolor na brasa y a haya un corta tambe.

 

Comments

comments