Diadomingo alrededor di 3:25 pm un accidente a tuma luga ariba e caminda di Av Nelson Oduber Ex Sasaki weg bayendo direccion playa, un chauffeur a perde control y ranca un pal’i luz y bolter cu e auto drenta mondi. 3 persona tabata den e auto unda cu un mucha a haya un sla na su curpa.
Paramediconan a atende cune mesora na sitio. Daño material na e auto ta basta. Polis di trafico a presenta pa asina tuma datos di e accidente. Elmar tambe a keda notifica pa presenta pa mira e situacion.