Dialuna marduga poco pariba di e rotonde Balashi direccion pa rotonde Pos Chikito net poco pabou di e brug ta sosode un accidente fuerte unda chauffeur di un honda a perde control dal contra di e blokinan cu tin memei caminda y asina e vehiculo a bolter.
Polisnan a presenta di biaha despues di a keda informa, a topa cu e Honda color blanco riba su dak, den e auto varios persona hende grandi y jong.
A haya hende benta abou banda di vangrails herida. Tres unidad di ambulance a presenta y paramedico a brinda asistencia na tur hende di biaha. A transporta cuatro hende pa hospital pa atencion medico. Polisnan a topa cu slof, boter di alcohol tur hende otro banda di caminda.
