Diaranson den oranan di marduga riba caminda di Rooi Frances net banda di e saliña chauffeur den un chevrolet corsa pa un of otro motibo a perde control tras di stuur y bolter cu e auto. E auto a keda den banda raspa full banda di pasahero y despues bolter keda riba su dak. E chauffeur masculino a logra sali for di e auto riba su propio forsa maske cu heridanan na curpa. Patruya di Santa Cruz a yega basta lihe pa atende cu e accidente, y paramedico di ambulans tambe tabata presente pa asina brinda asistencia medico na e victima y a keda transporta pa hospital. Takelwagen a logra kitae vehiculo for di riba caminda.