Diabierna atardi rib’e crusada di Seroe Pita a keda registra un accidente cu impacto fuerte momento cu un señora tras di stuur di un toyota yaris a yega subi e crusada y dal den un auto biniendo for di nort.
E auto shinishi tabata biniendo basta duro di nort pa zuid cu lo a pone cu probablemente e chauffeur no a mira esaki. E auto a bolter algun biaha y cay bek riba su 4 wiel. Personanan cu a mira esaki a bati alarma di biaha na autoridad.
Polisnan di biaha a keda dirigi y a cera parti di e caminda. Ambulance tambe a presenta pa brinda asistencia medico. Brandweer tambe a presenta pa duna un man pa corta e auto, pero bomberonan a logra di habri e auto tog sin cu tabatin mester di a corta e auto. E homber tabata levemente herida y a keda atendi pa personal di ambulance y transporta pa hospital.