Diasabra mainta riba e caminda di Rooi Frances pa Sabana Basora un toyota passo a perde control y bolter. Dos hende grandi y un baby tabata envolvi. Debi na e impacto e baby lo a sali for di e vehiculo y cay riba caminda haya basta sla na cabes. Polis a yega y e famianan a bay caba cu e criatura den un auto particular pa centro medico. Dokternan na centro medico di biaha a cuminsa atende cu e mucha cu sla serio na cabes. E auto mes a keda riba su dak, polis di trafico y departamento tecnico a presenta pa haci nan investigacion.