Diadomingo pasa di 12 or marduga desordo a lanta habitantenan di Coba Lodo ora nan a bay wak a mira un homber a sali for di un di e damnan yama Lagabena y tabata tin un criatura chikito den su man ta yora y a core bay zuid. Ora e personanan a yega cerca a constata un auto a bolter cay den e dam y e auto a keda riba su dak.
Patruya di Santa Cruz a presenta na e sitio y e oficialnan a cana bay den e dam y a bay wak si por tin hende den e auto pero no tabata e caso, a tuma dato di e testigo cu a mira e persona a bandona e sitio cu un mucha chikito den su brasa ta yora. Riba caminda por a tuma nota cu e chauffeur a perde control cu baha caminda na su man drechi bula e sero di santo bolter cay den e dam.